Á morgun föstudag er sumarhátíð barnanna 🌷 Við ætlum að fara í skrúðgöngu um hverfið fyrir hádegi og gæða okkur á pylsum í hádeginu. Við skemmtum okkur svo í ýmsum leikjum í garðinum og kl 13.30 fáum við sýninguna Karíus og Baktus í boði foreldrafélagsins 🌼 Hæ hó jibbíjei - Áfram Ísland

Maímánuður er annasamur í leikskólastarfinu. Á föstudaginn 11. maí er skipulagsdagur og fara starfsmenn í námsferð á Akranes auk þess sem við vinnum að endurmati á verkefnum vetar.

Elstu börnin okkar útskrifast þann 23. maí en þau fara í útskriftarferð í næstu viku, 15. maí í Gufunesbæ.

Síðast en ekki síst er svo sveitaferðin okkar árlega. Þetta árið förum við á Bjarteyjarsand og hvetjum við foreldra til að koma með og upplifa sveitina með börnum sínum. Skrángarblöð eru í fataherbergjum.

Sumarlokun verður frá og með miðvikudeginum 11. júlí og við opnum aftur fimmtudaginn 9. ágúst.

Föstudaginn 27. apríl bjóðum við alla velkomna á opið hús milli 15.00-16.30. 

Sett verða upp sýnishorn af vinnu barnanna auk þess sem þau munu syngja fyrir gesti sína.

Meistarar taka á móti gestum með söng kl 15.15 í Marteinslundi (sal), næst syngja Snillingar í Marteinslundi, svo syngja börnin á Geislalundi inni á deild og að lokum synga börnin á Bjartalundi inni á deild.

Verið velkomin

Þann 2. apríl ár hvert er alþjóðlegur dagur barnabókarinnar en það er einmitt afmælisdagur H.C. Andersen. 

Miðvikudaginn 4. apríl héldum við upp á þann dag með því að börnin komu með bók í leikskólann. Við lásum þær í öllum krókum og kimum yfir daginn.

Við viljum bjóða ykkur í foreldrakaffi í fyrramálið 27.febrúar milli 8.15-9.00. Endilega stoppið við, fáið ykkur ristað brauð og kaffi og njótið morgunstundar með börnunum ykkar og starfsfólki

Nú fer söfnininni fyrir Janí að ljúka og verða baukarnir uppi við á morgun. 

Það fór ekki framhjá neinum flóðið sem var hér í síðustu viku hjá hliðinu.  Búið var að grafa rás í snjóinn sem átti að hleypa vatninu frá en það dugði bara ekki til. Við höfum beðið um lagfæringar á þessu margoft undanfarin ár og fékk ég að vita hjá fasteignastjóranum að það eigi að lagfæra þessi mál næsta vor/sumar.  Einnig er búið að setja upp snjógildrur á þakið svo að nú ættu stóru snjóhengjurnar, sem við höfum barið niður, að heyra sögunni til.

Nú er bara að vona að veðurguðirnir nái að bræða restina af klakanum í burtu og sendi okkur blíðara veðurfar fram á vorið.