Piparkökukrakkar

Einn leikur bakara og annar deig sem bakarinn er með í höndunum. Bakarinn þvær sér vel um hendurnar (nuddar saman höndunum) og sá sem leikur deigið liggur á maganum á dýnu og slakar vel á. Bakarinn handfjatlar deigið mjúklega, hnoðar gætilega, bankar það létt með flötum lófum og fingrum eða með fingurgómunum. Svo sker hann út degið með því að renna fingrunum eftir útlínum þess sem leikur deigið. Hann ætlar að búta til æðislegan piparkökukrakka. Það þarf að búa til hrygg og herðablöð á krakkann, fætur hendur og höfuð. Á fótunum þarf að búa til hnésbót, kálfa, hæl og il. Á höfði þarf að búa til hnakka, koll og hár.

Því næst snýr bakarinn deginu við og býr til maga, brjóst, læri, hné, sköflung, ökla, rist og tíu tær. Einnig þarf að búa til upphandlegg, olnbogabót, úlnlið, lófa og tíu fingur. Að lokum er andlit sett á piparkökukrakkann. Kinnar, haka, nef, nasir, augu, augnhár, augabrúnir, enni, gagnauga, varir, tennur, háls, eyru og eyrnasnepla. Nú ætti krakkinn okkar að vera tilbúinn í ofninn.

Bakarinn stráir töfradufti yfir degið og heldur höndunum yfir því. Gott er að hugsa eitthvað fallegt og senda hlýja strauma svo að deigið hefist og piparkökukrakkinn bakist vel. Nú er piparkökukrakkinn tilbúinn og þá breytist hann í bakara en bakarinn í deig.

Athugið að ekki er búnir til einkastaðirnir og gott að nota tækifærið og ræða að þessa staði á ekki að snerta hvert annað. 
 

Stefna og starfsáætlun