Nánar

Yfirflokkur: Þróunarverkefni og nám

prufa

Nánar

Yfirflokkur: Þróunarverkefni og nám

Reynisholt mun taka þátt í Erasmus+ verkefni sem kallast From tiny acorns giant oaktrees grow frá hausti 2013 til vorsins 2015.

Meginmarkmið verkefnisins er að nemendur þrói með sér aukna meðvitund um sjálfbærni. 

Erasmus+er samvinnuverkefni milli skóla í Evrópu.

Nánar: Erasmus+ Grow

Nánar

Yfirflokkur: Þróunarverkefni og nám

Foreldrar að vinnu í ReynislundiReynislundur er hluti af gamalli sumarbústaðarlóð þar sem leikskólinn Reynisholt stendur, hann var afgirtur haustið 2009 en ekki lagfærður neitt frekar. Til að gera Reynislund að öruggu svæði og til að hann geti nýst sem útiaðstaða og leiksvæði þurfti að endurskipuleggja hann.

Foreldraráð Reynisholts sótti um styrk í Forvarnar og framfarasjóð Reykjavíkurborgar og hlaut styrk sem nýttur var til kaupa á efniviði í lundinn. Hér er hægt að sjá afrit af umsókninni

Veturinn 2009 – 2010 var vinna hafin að gerð útiaðstöðu í Reynislundi sem er hluti af lóð leikskólans. Ætlunin var að foreldar barnanna í Reynisholti ynni að endurbótum í samstarfi við starfsfólk leikskólans. Eins var leikskólinn í samvinnu við Sæmundarskóla.

Guðmundur Arngrímsson, landslagsarkitekt og foreldri í leikskólanum skipulagði svæðið og teiknaði upp. Hann var einnig verkstjóri. Foreldraráð og foreldrar í samvinnu við starfsfólk leikskólans vann að umbótum í Reynislundi.

Markmið verkefnisins voru:
Að útbúa útiaðstöðu sem nýtist leikskólanum t.d. við iðkun jóga, í hópastarfi og umhverfismennt.
Að Reynislundur verði öruggt leiksvæði fyrir börn, bæði leikskólabörn sem og önnur börn í hverfinu.
Að börn hverfisins fái náttúrulegt leiksvæði sem staðsett er í miðju hverfi.
Að efla stamstöðu og samstarf foreldra og kennara leikskólans við vinnu í Reynislundi, sem og að auka samstarf við Sæmundarskóla
Að skapa fagurt og öruggt umhverfi sem börn leikskólans sem og aðrir íbúar hverfisins geta notið.

Formleg opnun Reynislundar júní 2010Haustið 2009 komu nemar frá Noregi, í samstarfi við Sæmundarskóla, og unnu að gerð skýlis í reynislundi. Vorið 2010 hófst samstarf foreldra og starfsmanna og unnu þeir í lundinum á ákveðnum vinnudögum/helgum. Haustið 2010 fékkst framhaldsstyrkur úr Forvarnar og framfarasjóði Reykjavíkurborgar og er hægt að sjá þá umsókn hér.

Þetta samstarf gekk virkilega vel og er Reynislundur mikið nýttur í leikskólastarfinu og af foreldrum og börnum hverfisins.
  

Nánar

Yfirflokkur: Þróunarverkefni og nám

Gaman í SögugrunniVerkefnið Orð af orði orðs ég leitaði var unnið á árunum 2008 - 2011. Verkefnastjóri er Guðrún Sigursteinsdóttir, leikskólaráðgjafi í þjónustumiðstöð Breiðholts og tengiliður leikskólans er Guðrún Grímsdóttir, sérkennslustjóri. Verkefnið hlaut styrk frá Leikskólasviði Reykjavíkur.

Verkefnið byggir á því að efla málþroska barnanna í Reynisholti og þjálfa þau í undirbúningsþáttum lestrarnáms. Mikilvægt er að vinna með ákveðna þætti í málþróun þegar í leikskóla, á markvissan hátt, til að reyna að ná til þeirra barna sem síðar geta átt í erfiðleikum með að tileinka sér lestur.

Í Reynisholti vinna kennarar markvisst að því að efla hljóðkerfis- og hljóðvitund barna. Það er gert með notkun námsgagnanna Sögugrunns og Orðahljóð: hljóð, mynd, orð og ákveðinni kennslutækni. Unnið er með fimm þætti sem hafa áhrif til lengri tíma.

Þeir eru: 1. Að efla hlustun. 2. Að þjálfa frásögn. 3. Að efla hljóðvitund og tengja við ritun. 4. Að vinna með bókstafsþekkingu. 5. Að vinna með samskipti með því að nota hlutverkaleikinn sem námsleið.

Samvinna í orðahljóðiBörnin fá þjálfun í frásögn og sögugerð og vakin er athygli þeirra á málhljóðum íslenskrar tungu og þau hvött til ritunar. Saman vinna þessir þættir að því að gera notkun ritmáls að daglegri athöfn og átakalausu framhaldi af því að nota talmál.

Þegar börnin fara síðan í Sæmundarskóla er fylgst með árangri þeirra (sem hóps) í lestrarnámi hvað varðar tæknina að lesa texta (umskráningu hljóða í stafi) og einnig er kannað hvort þau skilja það sem þau eru að lesa. Áætlað er að fylgjast með í þrjú ár, í Sæmundarskóla, árangri af námi barnanna í leikskólanum. Fyrstu niðurstöður gáfu mjög jákvæðar vísbendingar um ágæti verkefnisins.

Áfangaskýrslu var skilað til Leikskólasviðs Reykjavíkur í janúar 2011. Hér er hægt að nálgast áfangaskýrsluna

Lokaskýrsla um verkefnið kom út í ágúst 2012. Hér getur þú nálgast skýrsluna