a. Þekking – hugtök
b. Úti - opið svæði eða inni í sal
c. 6 eða fleiri
d. 5-13 ára
e. Kaðall og tveir treflar í mismunandi lit.

Hópnum er skipt jafnt og er annar hópurinn uglur en hinn krákur. Hóparnir standa á móti hvor öðrum með kaðalinn á milli (ca meter á milli liða). Bak við hvort lið eru svo treflarnir lagðir og eru þeir heimahöfn. Kennarinn kemur með staðhæfingu og ef hún er sönn þá eiga uglurnar að elta krákurnar, ef hún er röng þá eiga krákurnar að elta uglurnar. Þeir sem nást fara yfir í hitt liðið.
Gott er að staðhæfingarnar tengist einhverju sem unnið hefur verið að s.s. haustþema eða blómaskoðun. Huga verður að aldri og þekkingu barnanna við val á staðhæfingum.
 

Dæmi um staðhæfingar:

• Hundar hafa þrjár lappir
• Kisur segja mjá.
• Öll tré hafa laufblöð
• Sum tré hafa nálar.
• Við skreytum grenitré á jólunum
• Vindurinn blæs í bakið á uglunum.
• Endur verpa eggjum
• Fiskar kunna að fljúga
• Sum tré geta orðið hærri en hús.
• Blómum þykir mjólk góð
• Býflugur borða hunang
• Fuglar borða ekki orma